Inuusuttut ilinniarfiini naammassisut amerliartorput
2014-imi 823-it inuusuttut ilinniarfiini ilinniarlutik naammassipput 2005-imut sanilliullugu 2014-imi ilinniarlutik naammassisut marloriaatingajaapput. 2014-imi ilinniarlutik naammassisut marluugaangata aappa ilinniarnertuunngorsimasarpoq, ukiut qulit matuma siorna ilinniarlutik naammassisut pingasuugaangata ataaseq ilinniarnertuunngorsimasartoq.
Titartagaq 2.1. 2005-imiit 2014-imut ilinniarlutik naammassisut
Najoqqutaq: Naatsorsueqqissaartarfik – Kisitsisaataasivimmi kisitsisit takuneqarsinnaapput (http://bank.stat.gl/UDNISC11D).
Ilinniarlutik naammassisut ukiui eqqarsaatigalugit, 16-iniit 25-nut ukiullit amerlanerpaapput.
Titartagaq 2.2. 2014-imi inuusuttut ilinniarfiini naammassisut ukiuinut immikkoortillugit
Najoqqutaq: Naatsorsueqqissaartarfik – Kisitsisaataasivimmi kisitsisit takuneqarsinnaapput (http://bank.stat.gl/UDNISC11D).
Ilinniarnertuunngortut 16-it 25-illu akornanni ukiullit amerlanerpaajupput ilinniarnertuunngortut 86 pct.-eralugit. Inuussutissarsiutinik ilinniarlutik naammassisut ukioqqortussussaat naligiigisaannangajappoq.
Inuusuttuaqqat amerlanerusut ilinniarnertuunngorniarlutik atuartalersimapput
2014-ip naanerani ilinniarnertuunngorniartut 1.306-iupput, inuussutissarsiutinik ilinniartut 1.310-usut. Titartakkami ataaniittumi takutinneqarpoq inuusuttut ilinniarfiini ilinniartut ukiuinut immikkoortillugit.
Titartagaq 2.3. 2004-mi, 2009-mi aamma 2014-imi inuusuttut ilinniarfiini aallussillutik ilinniartut
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11B).
Ukiut ingerlanerini ilinniarnertuunngorniartut 18-it inorlugit ukiullit 9 pct.-imik amerlisimapput. 2014-imi ilinniarnertuunngorniartut ilinniarnerminnik aallussisut 23 pct.-ii 18-it inorlugit ukioqarput. Ilinniartut ukiuinut agguarneranni takuneqarsinnaavoq ukioqqortussutsit pingasut pineqartut tamarmik ukiut qulit ingerlanerini amerlisimasut.
Ukiut kingulliit qulit ingerlanerini aallussillutik inuussutissarsiummik ilinniartut 25-it sinnerlugit ukiullit marlariaatingajammik amerlisimapput. Ukiut qulit ingerlaneranni ilinniartut 25-it sinnerlugit ukiullit 16 pct.-ip missaanik amerlisimapput.
Ataatsimut isigalugu
2004-miit 2014-imut 3.827-it inuussutissarsiummik ilinniarlutik naammassisimapput piffissami tassani 2.896-it ilinniarnertuunngorsimapput.
Takussutissiaq 2.1. 2004-miit 2014-imut ilinniaqqittut ilinniarfiinut immikkoortillugit
|
2004 |
2006 |
2008 |
2010 |
2012 |
2014 |
Ilinniarnertuunngorniarfiit |
|
|
|
|
|
|
Aallartittut ................ |
389 |
423 |
578 |
623 |
728 |
832 |
Aallussisut ............... |
687 |
813 |
962 |
1163 |
1343 |
1306 |
Uniinnartut ............... |
185 |
225 |
242 |
255 |
283 |
381 |
Naammassisut ............ |
158 |
198 |
231 |
280 |
351 |
404 |
Inuussutissarsiummik ilinniarfiti |
|
|
|
|
|
|
Aallartittut ................ |
738 |
765 |
816 |
925 |
943 |
938 |
Aallussisut ............... |
1110 |
1282 |
1439 |
1386 |
1363 |
1310 |
Uniinnartut ............... |
462 |
355 |
353 |
475 |
508 |
418 |
Naammassisut ............ |
312 |
284 |
325 |
325 |
412 |
419 |
Malugiuk: Naatsorsukkat tamarmik ”ukiup naalernerani” naatsorsugaapput, inuk ataaseq immikkoortuni arlalinni nalunaarsimasinnaasarpoq soorlu aallartittutut ukiumi tassani ilinniakkamik aallartitsisutut. Taamatuttaaq inuk ataaseq aallartittutut unittutullu nalunaarsimasinnaasarpoq, pineqartoq ilinniakkanut marluusunut ukiup ingerlanerani arlalinnulluunniit ilinniakkanik ingerlatsisimaguni.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNISC11A, http://bank.stat.gl/UDNISC11B, http://bank.stat.gl/UDNISC11C aamma http://bank.stat.gl/UDNISC11D).